現今越來越多怪獸家長，令子女變成溫室小花，一名打工仔發文分享，指公司最近有一名應屆大學畢業生攜同母親來見工，其媽媽稱擔心兒子「答得唔好」，故「搶答」所有面試問題，令面試官非常反感。事主形容該名媽媽好心做壞事，反而害兒子無法獲聘，最終越來越依賴父母變「裙腳仔」。
同場加映：
Sick問識答︳孕前3-6個月調理提升卵子質素 中醫教飲食宜忌+秘訣增受孕機會
溫室小花 ︳女友忍無可忍提出分手，裙腳仔港男箍煲：媽咪唔想我哋分手，詳情即睇：【下一頁】
一名女網民日前在「香港討論區」發帖，表示公司最近請人，希望聘用應屆大學畢業生，從而令公司整體感覺「年輕啲」。事主指公司平日不會做小組面試，但當天早上卻見到人事部職員領著一男一女到會議室面試，一問之下始知該女子是面試者的媽媽，男生則無奈稱「媽咪一定要跟住佢嚟見工」。
人事部職員本身著其媽媽在外面或隔壁房間等候，但她指擔心兒子「答得唔好」要由她「補答」，堅持要一起入去面試，人事部職員遂徵詢上司意見，上司不希望就此打發他們離開，只好破例讓她進入會議室。
事主指面試歷時約半小時，形容上司全程都是「Hea in（敷衍地面試）」，期間詢問該男生3條問題，例如「讀書讀過啲咩」，全部被媽媽搶答，形容「個阿媽自己Carry全場」、「估唔到Hea in啲問題都係由阿媽答，唔到個仔答」。
事主指上司平日甚少談論面試過程，但今次不免感到無奈和生氣，更嘆道：「第一次見到人真係帶埋個阿媽上嚟」，
「仲要（上司）問佢問題全部都係個阿媽答，成程除咗佢個名之外，都冇聽過佢講其他嘢。最後『耍太極』叫佢返屋企等通知，個阿媽仲要問番：『咁幾時先有通知㗎？請唔請都會通知㗎可？』」
「可能成世都搵唔到嘢做」
事主坦言第一次遇到有家長陪子女見工，令她嘆喟該媽媽的做法或令兒子「成世都搵唔到嘢做」，甚至成年後仍要靠父母養育，認為這對子女百害而無一利，
「而家啲小朋友帶埋阿媽嚟見工，到底係請你定請你阿媽？咁樣對個仔真係好咩？以前以為係啲搞笑片先會見到，點知原來而家真係會有人連埋阿媽一Set咁見工。唔係想話佢裙腳，但係使唔使咁保護呀？保護得太好，真係溫室小花。」
事主估計該男生最終不會獲聘用，並揶揄對方如獲其他公司錄取，「唔知出一份糧定兩份糧呢......不過我又想問，假設個阿媽跟埋入去之後，所有問題都係由個仔答晒，仲要答得好好，又應唔應該請？」
網民：請佢阿媽好過
不少網民看到帖文後，指該男生連基本問題也不懂回答，笑言「請佢阿媽好過」，亦有人揶揄她是擔心兒子會墮入「求職陷阱」，或是她自己想要見工。
↓ 點 擊 圖 片 放 大 ↓
- {{hket:inline-image name="WhatsA43.jpeg"}}{{/hket:inline-image}}
- {{hket:inline-image name="Whats32.jpeg"}}{{/hket:inline-image}}
- {{hket:inline-image name="Whatew.jpeg"}}{{/hket:inline-image}}
- {{hket:inline-image name="WhatsAew.jpeg"}}{{/hket:inline-image}}
- {{hket:inline-image name="Whatsfvds.jpeg"}}{{/hket:inline-image}}
- {{hket:inline-image name="Whatsf.jpeg"}}{{/hket:inline-image}}
- {{hket:inline-image name="WhatsApg.jpeg"}}{{/hket:inline-image}}
- {{hket:inline-image name="What32.jpeg"}}{{/hket:inline-image}}
- {{hket:inline-image name="Wh2r.jpeg"}}{{/hket:inline-image}}
- {{hket:inline-image name="Whagr.jpeg"}}{{/hket:inline-image}}
育兒之道｜兒子搵工面試媽媽好心做壞事，半夜發短訊要求HR取錄，詳情即睇：【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
每朝索取《晴報》：精明生活．健康家庭．開心娛樂
撰文：蘇麗儀